Heimur versnandi fer...

Sniðugt drasl á netinu

Tue, 21 Nov 2006 01:05:37 GMT

Sá þetta hjá Einari.

Sorry to be spammalamming you but do go to Google and type needs and your name with " "

e.g: "Mika Needs"
Post the 1st one u hit, and u can add another if something hilarious comes after.

Ég prófaði þetta og niðurstöðurnar voru eftirfarandi.

Hilmar needs additional time to finalize its long-term. waste treatment and disposal proposals.
Hilmar needs to rethink his view on girls and explosions
Hilmar needs to be a LOT more careful
Hilmar needs a frosh coach
Hilmar needs to be ready for Patterson

Tilviljanir?

Mon, 24 Apr 2006 03:03:13 GMT

Það er merkilegt hve oft það gerist í bæjarfélögum þar sem Sjálfstæðismenn fara með völdin að kosningaskrifstofur andstæðinga þeirra fá ekki að vera í friði. Í frétt fyrir stuttu kom það fram að skúr í Mosfellsbæ sem að Vinstri grænir hugðust nota, sem kosningarmiðstöð sína, var fjarlægður úr miðbænum um miðja nótt. Áður höfðu engar fyrirstæður verið fyrir því að skúrinn fengi að vera áfram í miðbænum en um leið og Vinstri grænir vildu fá not af skúrnum varð að fjarlægja hann undir eins. Bæjarstjóri Sjálfstæðismanna ber fyrir sig útrunnið leyfi og að málið hafi átt sér eðlilegan farveg. Svo var þó ekki og það vekur furðu að málið fái ekki formlega afgreiðslu.

Þetta er nefnilega ekki í fyrsta sinn sem að slíkt gerist. Í aðdraganda Alþingiskosninga fyrir þremur árum tók Samfylkingin á leigu tómt verslunarhúsnæði við Hafnargötuna í Reykjanesbæ, sem hafði þá nýlega losnað. Húsnæðið var á besta stað í miðbænum og vel sýnilegt við fjölsótta verslunargötu.

En aðeins örfáum dögum áður en að opna átti kosningamiðstöðina formlega kom bæjarstjórinn Árni Sigfússon á stærðarinnar gröfu og tók fyrstu skóflustunguna vegna fyrirhugaðra endurbóta Hafnargötu beint fyrir framan útidyrnar á Kosningaskrifstofu Samfylkingarinnar. Bæjarstjóri Sjálfstæðismanna bar það fyrir sig að verktakinn hefði ákveðið hvar hefja bæri framkvæmdir, þó var þetta undarlegur staður til þess að hefja framkvæmdir. En líkt og í Mosfellsbæ núna þá undraðist minnihlutinn það helst að málið fékk ekki formlega afgreiðslu í bæjarstjórn. Það er því greinilegt að gerræðislegar ákvarðanir Sjálfstæðismanna koma oft eins og af tilviljun illa niður á pólitískum andstæðingum þeirra. Ætli það sé einskær tilviljun.

Endurnærður Schumacher á nýju ári?

Thu, 02 Mar 2006 03:10:27 GMT

Það gengur ef til vill betur hjá Ferrari á þessu ár. Ég vona þó að það gangi ekki of vel. Ég setti þessa mynd inn í tilefni af því að nú fer bráðum formúlan að byrja aftur.

Það er ekkert að marka netkannanir!

Sun, 11 Dec 2005 08:37:03 GMT

Það eru svo sannarlega komin próf, enda allt gos búið í 10-11 hér á görðunum. Ég var að kaupa mér í matinn í fyrradag og kom þá að tómum Kók kælinum, einhvað var orðið litið eftir af öðrum tegundum þannig að ég spurði afgreiðslustrákinn sem sagði að þetta væri í annað sinn um daginn sem að kókið kláraðist.

En ég var að skoða niðurstöður gamalla kannana hjá mér ér á síðunni. Fyrir ekki alls löngu setti ég fram spurninguna er einhvað að marka þessa könnun?
Til allrar hamingju þá sögu 59% nei en það var verra að 35% sögðu já. Rest var ekki viss. Rétt svar er nefnilega NEI enda er ekkert að marka könnun sem er gerð á netinu. Þannig að þið skulið hafa það í huga. Þegar þið sjáið fjölmiðla eða aðra vitna í kannanir sem gerðar eru á netinu þá segja þær nákvæmlega ekki neitt. Sama á við um sms kannanir. Þær segja ekkert um neitt annað en skoðun þeirra sem sáu konnunina og tóku þátt en hafa ekkert alhæfingagildi um aðra hópa.

Jón og sr. Jón

Mon, 28 Nov 2005 13:40:23 GMT

Hvernig er það, í ára raðir hafa stórir tankbílar flutt eldsneyti frá Reykjavík til Keflavíkurflugvallar með tilheyrandi óþægindum og sliti á Reykjanesbrautinni. Síðan núna upp á síðkastið hafa þeir aðeins breitt rúntinum og far einhvað í gegnum einhver hverfi í Reykjavík og þá fyrst verður allt vitlaust.
Ég er búinn að hanga fyrir aftan svona tankbíla á Reykjanesbrautinni í mörg ár og það er ekki auðvelt að fara framúr þeim þar sem vegurinn er einfaldur. Ég held að þið borgarbörnin getið alveg keyrt framhjá þeim á fínu stofnbrautunum hérna í bænum sem allar eru að minnsta kosti tvöfaldar. Þetta eru engin óþægindi, ekki fara þessir bílar í taugarnar á mer lengur enda Reykjanesbrautin orðin tvöföld, svo til.

Rétt skal vera rétt... gjöld eru gjöld sama hvað þau eru kölluð.

Thu, 17 Nov 2005 00:28:12 GMT

Tæknilegir erfiðleikar hafa verið áberandi í sjónvarpi síðustu daga. Fréttatími stöðvar tvö dróst um einar tíu eða tuttugu mínútur vegna þess að ekkert hljóð var til staðar. Sama vandamál var hjá Kastljósinu í kvöld. Svo ekki sé talað um vandann við að koma viðtalinu við Jón Ólafsson í loftið.

En hvernig ætli þetta gangi hjá stöð tvö. Þeir ætla með nýju fréttastöðina sína í loftið núna í vikulok. Nafnið þótti mér spaugilegt. NFS er nefnilega í mínum huga gamla nemendafélagið mitt í FS. Fyrir nokkrum árum réði ég öllum fjármálum NFS, þetta gæti valdið ruglingi. Ekki fyrir mig, enda löngu hættur en hvað með þá sem eru þar núna?

Annars er það ekki nafnið sem fer í taugarnar á mér heldur það að stöðin sé auglýst sem opin dagskrá. Hvað er opið við dagskrána ef það kostar 500 kr. að horfa á stöðina.
NFS í opinni dagskrá, rekin á auglýsingatekjum, opið fyrir alla. Þið þurfið bara að borga 500 krónur á mánuði.
Minnir nokkuð á skólagjöldin við HÍ sem eru ekki skólagjöld vegna þess að ríkið ákvað að kalla þau innritunargjöld. NFS er í opinni dagskrá vegna þess að áskriftargjaldið er kallað leiga á myndlykli. Mér er sama hvað hver segir þetta eru skólagjöld og ákskrifatgjöld.

Og eitt að lokum, hverjum datt í hug að alhæfa niðurstöður í skoðanakönnun, sem Durex gerði, á alla þjóðina. Niðurstöðurnar eiga bara við þá sem svara spurningum á heimasíðu Durex. Það er ekki öll þjóðin, ekki tók ég þátt í þessari könnun.

Konur!

Mon, 24 Oct 2005 19:08:49 GMT

Kvannafrídagurinn í dag. Og allar konur landsins flykktust á Ingólfstorg. Nema hvað Ingólfstorg var ekki nægilega stórt fyrir allan þennan fjölda og margar snéru frá enda komust þær ekki í tæri við torgið. Hvernig hefði verið að halda þetta á sama stað og fyrir þrjátíu árum. Hefði Lækjatorg ekki verið betra þannig að fjöldinn hefði getað dreifst út Lækjagötuna og upp að Arnarhól. Þá hefði mannmergðin ekki legið inn einherjar einstefnugötur þar sem einginn sér neitt.

En nú berjast Samfylkingin og Vinstri grænir um það hvor flokkurinn geti kallast arftaki Kvennalistans. Er þetta einhað sem þarf að rífast um. Kvennalistinn var flokkur sem barðist fyrir réttindum kvenna en voru þær konur úr einhverjum sérstökum flokkum? Flestar fóru reyndar í Samfylkinguna og Vinstri græna þegar vinstri vængurinn soðnaði saman. Það má ef til vill helst segja að stjórnarflokkarnir núna geti síst gert tilkall til þess að kallast arftakar Kvennalistans. Ekki hefur brautargengi kvenna verið upp á marga fiska hjá þeim flokkum en ef til vill eru þeir að taka við sért. Sjálfstæðisflokkurinn fékk jafnréttisskell í síðustu kosningum þar sem margar konur duttu út fyrir stuttbuxnadeildinni sem stormaði inn á þing. Hvað Framsókn varðar þá virðist enginn vilja ganga í flokkinn, hvorki konur né karlar.
Þannig að það virðist koma í hlut vinstri flokkana að bítast um það hvor sé meiri feministi.

Próftafla frá helvíti.

Thu, 13 Oct 2005 01:38:23 GMT

Ég ætla að gera tilraun til þess að hafa þetta blogg mitt sæmilega virkt. Hef þó ekkert að segja af viti. Ég reyndar var að skoða próftöfluna mína og komst að því að ég þarf að fara í próf mánudag, þriðjudag, miðvikudag og föstudag í sömu vikunni. Og ef það væri ekki nó þá er síðasta prófið mitt samt ekki fyrr en 20. des. Ég hef oft fengið slæmar próftöflur en þessi slær öllu við. Svona fæ ég það í hausinn að hafa skráð mig í sex áfanga.

Ekki dauður með öllu...

Thu, 29 Sep 2005 14:31:46 GMT

Ég nenni ekker orðið að skrifa hérna en læt mig þó hafa það. Aðalega til þess að sýna fram á það að ég sé enn á lífi. Ég hef samt ekket að segja. Ég er samt búinn að vera rosalega duglegur í dag. Þreif baðherbergið hjá mér. Ég vissi ekki að vaskurinn væri hvítur, hélt bara að hann ætti að vera svona blettóttur. Stelpan sem bjó hérna á undan hefur greinilega ekki þrifið hjá sér. Ég þreif ofninn í gær og komst þá að því að hann er í raun svartur, þetta hvíta var gömul fita og smá migla. Hvernig væri að þrífa íbúðirnar hérna áður en fólk flytur inn. Ég er reyndar búinn að vera hérna síðan í sumar en þá var ég að vinna og það er fyrst núna sem ég hef einhvern tíma til þess að þrífa.
Ég er að komast á þá skoðun að einhleipir karlmenn eigi að ráða einhverja konu í þrifin hjá sért. Þegar strákarnir bönkuðu upp á svalahurðina hjá mér síðasta föstudag var ég að þrífa fyrir ofan eldhússkápana, þar var svo ógeðslegt að rikið hrundi niður þegar ég ætlaði að setja krukku þarna uppá. Strákunum leist ekkert á þetta og bentu mér á það að karlmenn þrifi ekki á svona stöðum. Þeir eru því núna virkilega farnir að efast um kynhneigð mína. Það er kannski þess vegna sem ég hef allt í einu tíma núna til þess að þrífa, strákarnir farnir að forðast mig? Best að hætta þessari vitleysu og sætta sig við skítinn. Ég er farinn að breytast í kellingu. Fyrr en varið verð ég farinn að baka í þokkabót. Ég held að ég hafi séð kúlurnar rúlla eftir gólfinu rétt áðan og út um gluggann. Þetta er orðið alvarlegt.... best að fara að gera við bílinn eða einhvað slíkt....

Stutt pæling

Wed, 27 Apr 2005 03:45:17 GMT

Það virðist fara fyrir brjóstið á mörgum þegar rætt er um að færa innanlandsflugið til Keflavíkur. Þetta finnst mörgum algerlega óhæft enda er Keflavík allt og langt frá höfuðborginni. Þessi rök væru ágæt en skoðum nú málið frá annari hlið. Í Keflavík er ekki opin skurðstofa vegna þess að það er svo stutt í höfuðborgina að það skipti ekki sköðum hvort að farið sé með sjúklinga á skurðstofu í Keflavík eða Reykjavík.

Þannig að það þykir ekki langt að keyra með bráðveikt eða deyjandi fólk til Reykjavíkur en Guð hjálpi okkur ef að alheilbrigt fólk sem ekki munar um tuttugu mínútur til eða frá þarf að ferðast alla þessa ógnarlöngu leið til eða frá Keflavík. Er ég einn um að sjá kaldhæðnina í þessu máli.

Trúboð í skólum

Tue, 01 Mar 2005 17:05:07 GMT

Það er mikið rætt um það þessa dagana hvort að kristinfræði eigi heima í grunnskólum landsins, nánar til tekið það sem sumir kalla trúboð í skólum landsins. Án þess að fara að útlista þessa umræðu í heild sinni hér þá er eitt atriði sem ég vildi velta fyrir mér.

Því er svarað að þau börn sem ekki vilja taka þátt í bænum eða örðu slíku geti hreinlega yfirgefið kennslustofuna.

Í fyrsta lagi get ég ekki séð hvernig þetta fer saman með kennsluskyldunni sem lögbundin hér á landi enda getur það varla átt heima í kennslu sem sum börn þurfa að læra en önnur ekki, það sem fram fer í kennslustund hlýtur að teljast hluti af náminu.

Það hefur verið nefnt að það að senda börnin fram á gang jaðri við einelti en því hafna þeir sem tala máli skóla trúboðsins. Nú er komið að því sem ég vildi leggja til málsins. Ég sótti eitt sinn námskeið um meðferð agabrota hjá börnum. Þar var það t.d. kennt að til að refsa börnum væri hægt að fjarlægja þau úr hópnum, það að fá ekki að taka þátt í atferli hópsins þó ekki sé nema í örfáar mínútur er refsing sem barnið tekur nærri sér og reynir umfram allta að forðast. Seinna meir var mér sagt að ekki væri lengur mælt með þessari aðferð því að hún þætti harðneskjuleg. En nú mæla þessir guðræknu og sannkristnu menn og konur með þessari aðferð sem þykir illa til refsinga fallin.

Þannig að barnið hefur um tvennt að velja, sitja undir óbeðnu trúboði sem brýtur gegn öllu því sem því er kennt heima hjá sér og þar með tekur skólinn fram yfir hendur foreldra barnanna, eða þá að barnið sæti refsingu fyrir að sitja ekki undir trúboðinu og gert að sitja eitt og yfirgefið út á gangi. Það er heldur ekki lausn að skipta hópnum í tvennt vegna þess að börnin sem ekki taka þátt eru örfá og jafnvel ekki nema eitt í hverjum bekk. Þetta hafa fylgendur trúboðsins í raun sjálfir bennt á með því að flagga þeim prósentutölum að meir en 90% þjóðarinnar sé kristinnar trúar.

Nei skólar landisns eru alls ekki að leggja bornin í einelti. Þeir eru bara að refsa þeim fyrir að vilja ekki vera eins og allir hinir. Er þá ekki rétt að taka aftur upp barsmíðar í skólunum, þau eru nú svo óþekk krakkarnir.

Ég er víst ekki nörd eftir allt saman.

Sat, 29 Jan 2005 22:56:53 GMT

Hehe, fann þetta hjá Einari. Ég sem hélt að ég væri smá nörd. Kom í ljós að ég veit ekki neitt um tölvur, netið , stærðfræði eða StarTrek sem er víst skylda allra nörda. Samt nota ég tölvur og internetið, kann að reikna og hef horft á star trek. Hvernig átti ég að vita að til þess að kallast tölvunörd þarf maður að þekkja einhver forritunarmál, til að vera stærðfræðinörd þarf maður að vita hvað C þýðir í þessari frægu formulu hans Einsteins og hafa álit á því hvernig vasareikni er best að nota. Svarið mitt að hann þyrfti að geta lagt saman var víst ekki sérstaklega nördalegt. Og síðast en ekki síst þá var ég viss um að ég væri svona skápa StarTrek nörd. Greinilega ekki, á skjánum birtist mynd af stúlku og og spurt var, hverju tókstu fyrst eftir. Það var loks þá sem ég tók eftir að það væri einhvað öðruvísi við stúlkuna. Eyrun voru einhvað lengri en gengur og gerist. Þannig að ég sá það að álfaeyrun höfðu farið fram hjá mér. En nei þá var síðasti möguleikinn sá að ég átti víst að taka eftir því að stúlkan var brosandi og allir vita brosa vúlkanir ekki. HA? Hvernig fóru þeir að því að sjá allt þetta af einni mynd af stelpu með skrítin eyru.

Nei ég er víst ekki nörd. Veröld minni hefur verið umturnað, ég var viss um að ég væri örugglega nörd, að minnsta kosti einhvað pínu. Jæja, ég verð víst að sætta mig við það að vera kúl... búhú...

Hér fyrir neða ætlaði ég að setja link inn á könnunina en ég er ekki einu sinni nógu mikið nörd til þess að setja þetta inn. Tölvan segir mér að ég meigi ekki nota copy/paste af öryggisástæðum. Iss, ég get þó allavega sett inn myndina.

Ég er á lífi....bara svo að þið vitið það!

Fri, 28 Jan 2005 02:20:20 GMT

Ég nenni ekkert að skrifa núna en til að sýna smá lit þá læt ég þennann fylgja með.

Jólin!

Mon, 27 Dec 2004 20:12:20 GMT

Nú þegar jólin eru loksins komin þá held ég auðvitað upp á þau með því að leggjast í veikindi. Gat verið!
Annars er ég búinn að leysa vandann með feministabókina, ég fann bók sem heitir Pabbi getur allt og þar með ætti hún að núlla út þá fyrri, vona ég. Til að tryggja mig alveg þá gaf ég pabbanum Ritgerð um ríkisvald eftir John Locke og mamman fékk Animal Farm eftir Orson Wells. Nú ætti fjölskyldan að vera vel upplýst.

Annars er Þórir ekki einn um að luma á lausninni við vandanum í mið austurlöndum.

Feministar í sauðagæru.

Thu, 09 Dec 2004 00:07:33 GMT

Ég var plataður illilega nú fyrir skemmstu. Dóttir systur minnar átti eins árs afmæli og móðir mín og systir bentu mér á bók sem ég gæti gefið stelpunni. Bókin var fagur bleik og hét Svona gera prinsessur. Ég tók ekki eftir því um hvað bókin fjallaði fyrr en eftir að ég var búinn að gefa hana. Þá las ég bókina og komst að því að meðal þess sem prinsessan gerði, fyrir utan þetta venjulega eins og að greiða sér og máta fallega kjóla, var að bjarga þorpsbúum frá ræningjum, sigrast á dreka og bjarga prinsinum.
Hér er greinilega hin argasta feminista bók á ferðinni. Ég hefði átt að sjá það á litnum en ég hélt að þetta væri saklaus bók um prisessu sem væri sæt og prúð.
Ég get þó huggað mig við það að bókin sló í gegn og þó svo að stelpan kunni ekki að lesa vildi hún ekki sleppa henni. Þegar hún loks les síðan bókina verður hún ábyggilega ákveðinn kvennmaður enda gefur bókin skýr fyrirheit um það að stelpur geti allt. Ágætis veganesti fyrir framtíðina en ég ætlaði ekki að kvetja undir svona kvennrembu. Mér finnst stöðu minni sem kallmanni vera ógnað ef við ætlum að byrja að kenna stelpunum þetta áður en þær geta svo mikið sem talað.